ŻAK Siġġiewi ilu miftuħ għal dawn l-aħħar 20 sena, u bħalissa jinkludi żewġ gruppi ta’ żgħażagħ minn etajiet differenti.
Għandna madwar 30 membru, li jvarjaw bejn il-15-il sena u t-30 sena.

Matul il-laqgħat tagħna, niffokaw fuq temi attwali li jolqtu lis-soċjetà tagħna, filwaqt li ngħinu wkoll liż-żgħażagħ jimxu ‘l quddiem fil-mixja spiritwali tagħhom. Tul is-sena, norganizzaw numru ta’ attivitajiet kemm għall-gruppi individwali kif ukoll għall-grupp kollu flimkien. F’ħafna okkażjonijiet ningħaqdu wkoll ma’ ċentri oħra f’attivitajiet nazzjonali li jgħinuna nibnu relazzjonijiet aktar b’saħħithom ma’ żgħażagħ oħra minn madwar Malta. Barra minn hekk, nieħdu sehem fil-ħidma tal-parroċċa tagħna billi nkunu ta’ sostenn għal dawk iż-żgħażagħ li qed ifittxu spazju fejn jikbru, kemm personalment kif ukoll spiritwalment. Nattendu wkoll u ngħinu f’diversi attivitajiet li jiġu organizzati mill-parroċċa stess.

Biex issir taf aktar fuq ŻAK Siġġiewi, tista’ tikkuntatja ċ-ċentru fuq Facebook jew billi tibgħat email fuq: siggiewi@zakmalta.org